Archive for the ‘பொதுவானவை’ Category

சபாஷ் சரியான தீர்ப்பு

நவம்பர் 27, 2007

நாட்ல இந்த குறைந்த விலை விமான நிறுவனங்களின் தொல்லைக்கு ஒரு அளவே இல்லை. குறைந்த விலைக்கு விமான சேவையை அளிக்கிறேன் அப்படின்னு இவங்க அடிக்கிற லூட்டி இருக்கே யப்பா தாங்காது. விமானத்தில் போதிய பயணிகள் இல்லாட்டி, பயணிகளை பல மணி நேரம் காத்திருக்க செய்து அப்புறம் விமானத்தை கேன்ஸல் செய்வது, காலை விமானத்தில் கூட்டம் இல்லாட்டி அந்த விமானத்தில் உள்ள பயணிகளை அடுத்த விமானத்துக்கு மாற்றம் செய்வது, சில சமயம் விமானத்தை கேன்ஸல் செய்து அதுக்கு பதிலா ஆம்னி பஸ் டிக்கெட்டுகளை அளிப்பது, இது மாதிரி ஒரே ஆட்டம் தான். விமானம் கேன்ஸல் செய்யப்பட்டதற்கான காரணம் கேட்டால் தொழில்நுட்ப கோளாறு என்ற ஒரே பதில்.

இது மாதிரியான விமான கம்பெனிகளுக்கு ஆப்பு அடிக்கும் விதமாக இந்த தீர்ப்பு வந்துள்ளது. கோஏர் என்னும் குறைந்த கட்டண விமான நிறுவனம், தொழில்நுட்ப கோளாறு என்று கூறி கேன்ஸல் செய்த ஒரு விமானதில் பயணம் செய்த பயணிகள் அனைவருக்கு 15000 நஷ்டஈடு அளிக்குமாறு தில்லி உயர்நீதி மன்றம் உத்திரவிட்டுள்ளது. இது போன்ற வியாபார நன்னடத்தை (Business ethics) இல்லாத கம்பெனிகள் இதற்கு பிறகாவது திருந்தினால் சரி.

கடன் அட்டைகளை பற்றி நீங்க தெரிந்து கொள்ள வேண்டியவை- பாகம் II

நவம்பர் 24, 2007

இந்த பதிவில் நான் கடன் அட்டைகள் பற்றி முன்னுறையாக சில விஷயங்களை பற்றி சொல்லி இருந்தேன். இந்த பதிவில் கடன் அட்டைகளை வாங்குவதற்கு/உபயோகிப்பதற்கு முன்னர் கவனிக்க வேண்டிய முக்கியமான சில விஷயங்களை பற்றி சொல்லி இருக்கிறேன் (இதில் கூறப்பட்டுள்ள விஷயங்களில் பெரும்பாலானவை அமெரிக்காவில் உள்ளவர்களுக்கே பொருந்தும், இந்தியாவில் உள்ளவர்களுக்கும் சில விஷயங்கள் உபயோகமாக இருக்கலாம்): 1. கடன் அட்டைக்கு விண்ணப்பிக்கும் பொழுது நீங்க கவனத்தில் கொள்ள வேண்டிய இன்னொரு முக்கியமான விஷயம் “universal default” clause அப்படிங்கற விஷயத்தை. நீங்க ஒரு அட்டையை வாங்கறீங்க ஏதோ ஒரு காரணத்தினால் சரியான தேதியில் உங்களால Minimum Balanceஜ கட்ட முடியவில்லை. அதை காரணம் காட்டி credit card கம்பெனிகள் உங்களின் வட்டி விகிதத்தை உயர்த்த வாய்ப்பு உள்ளது.

இதுவே நீங்க வைத்து இருக்கும் கடன் அட்டையில் இந்த “universal default clause” இருந்து, நீங்க Minimum Balance கட்ட தவறும் பட்சத்தில் (உங்களின் வட்டி விகிதம் உயர இதை தவிர பல்வேறு காரணிகள் உண்டு) இவர்களினால் இவர்கள் அளித்த அட்டையின் வட்டி விகிதம் மட்டுமல்லாது மற்ற கம்பெனிகள் அளித்த அட்டையின் வட்டி விகிதத்தையும் உயர்த்த முடியும். இவ்வகையான அட்டைகளில் இருந்து தள்ளி இருப்பது நலம்.

2. பொதுவாக கடன் அட்டைகளை உபயோகித்து பணம் எடுப்பதை(Cash Advance) தவிர்க்க வேண்டும். அப்படி எடுத்தால் நீங்கள் மொத்த தொகையையும் கட்ட வேண்டியதாக இருக்கும் ஏனெனில் 0% APR நீங்கள் கடைகளில் அட்டையை உபயோகிக்கும் பொழுது தான். அதை உபயோகித்து பணம் எடுத்தால் அதற்கு அவர்கள் குறிப்பிட்டு உள்ள வட்டியை கட்ட வேண்டும். பெரும்பாலான அட்டைகளில் நீங்க கட்டும் பணம் Lower APRக்கு தான் கட்டியதாக தான் எடுத்துக்கொள்வார்கள்.

உதாரணமாக நீங்க எடுக்கும் பணத்துக்கு 25% APR என்று வைத்துக்கொள்வோம். நீங்க அடுத்த தவணைக்கு கட்டும் பணம் 0% APRக்கு உள்ள Purchasesக்கு தான் கட்டியதாக எடுத்துக்கொள்ளப்படும். நீங்க 0% APRக்கு முழுபணமும் கட்டி முடித்த பின்னரே 25% APRக்கு எடுத்த பணத்துக்கு கட்ட முடியும். எனவே முழு நிலுவைத் தொகையை கட்டினால் தான் நீங்க cash advanceக்கு எடுத்த தொகையை கழிக்க முடியும். சிறு சிறு தொகை வேண்டும் என்றால் சில சூப்பர் மார்கெட்டில் cash back அளிப்பார்கள் அதை உபயோகித்துக்கொள்ளலாம்.அதே போல தான் இந்த நிறுவனங்கள் மாதா மாதம் சில காசோலைகளை தருவார்கள்(cheque leaves) அவை பெரும்பாலும் 0% APR இல் வராது எனவே அதை உபயோகிக்கும் பொழுதும் கவனம் தேவை.0% Balance transferஅட்டைகளில் கவனிக்க வேண்டியது Balance transfer fee என்று கட்டணம் நிர்ணயம் செய்வார்கள், அது இருக்கிறதா என்று பார்த்துவிட்டு. அந்த கட்டணத்தில் உங்களுக்கு உடன்பாடு இருக்கும் பட்சத்தில் நீங்க Balance transfer செய்து கொள்ளலாம்.

3. ஒவ்வொரு மாதமும் அவர்கள் குறிப்பிடும் நாளில் Minimum Balanceஜ தவறாமல் செலுத்திவிட வேண்டும் இல்லாவிட்டால் உங்களின் credit history spoil ஆகிவிடும் மேலும் credit score குறைந்து வாய்ப்புக்கள் அதிகம். முக்கியமாக American Express அட்டைகளின் மீது தனி கவனம் செலுத்த வேண்டும், அவர்கள் நல்லவனுக்கு நல்லவன் கெட்டவனுக்கு ரொம்ப கெட்டவன் மாதிரியான ஆட்கள். ஒழுங்காக பணத்தை கட்டிக்கொண்டு வந்தால் நிறைய credit points அளித்து உங்களின் credit score நல்ல படியாக இருக்க உதவுவார்கள் இல்லாவிட்டால் oppsite தான்.

4. 0% APR அட்டைகளை உபயோகிக்கும் பொழுது சரியாக திட்டமிட்டு அது முடிவடையும் பொழுது கட்டும் அளவு பணம் வைத்து இருக்க வேண்டும். இல்லாவிட்டல் அதிகப்படியான வட்டி செலுத்தி கஷ்டப்பட வேண்டி இருக்கும். இது போன்ற அட்டைகளுக்கு கட்ட வேண்டிய தொகையை எங்காவது முதலீடு செய்துவிட்டால்(நஷடம் வராத இடத்தில்) அதில் இருந்து வரும் அதிகப்படியான பணம் நமக்கு லாபம் தான். பிறகு 0% APR முடியும் தருவாயில் முதலீட்டில் இருந்து எடுத்து கட்டி விடலாம்.

5. இலவசமாக அட்டைகள் கொடுக்கிறார்கள் என்று எல்லாவற்றையும் வாங்கி விட வேண்டாம். கவனமாக ஆராய்ந்து அவர்கள் அளிக்கும் offerகளை ஆராய்ந்து வாங்க வேண்டும்.

6. அதே போல முடிந்த வரையில் அனைத்து கம்பெனிகளின் அட்டைகளிலும் ஒன்று வைத்து இருப்பது நலம். அதாவது Visa, Master, Discover மற்றும் American Express அட்டைகளில் வகைக்கு ஒன்று என்று வைத்து இருப்பது credit scoreஜ வேகமாக வளர்க்க உதவும் என்று சொல்கிறார்கள்.

7. முடிந்த வரையில் அட்டைகளை cancel செய்வதை தவிர்க்கவும் ஏனெனில் நீங்க ஒவ்வொரு அட்டையை cancel செய்யும் பொழுதும் உங்க credit points களில் ஒரு குறிப்பிட்ட புள்ளிகளை இழக்கிறீர்கள் எனவே முடிந்த வரையில் ஒரு அட்டையை 5 வருடமாவது வைத்து இருப்பது மிக நலம்.

8. எந்த காரணத்தை தொடர்ந்து கடன் அட்டைகளுக்கு விண்ணப்பித்துக்கொண்டே இருக்க வேண்டாம், ஒரு விண்ணப்பம் நிராகரிக்கப்பட்டால் சிறிது காலம் பொறுத்து இருந்து பின்னர் விண்ணப்பியுங்கள். நீங்க ஒவ்வொரு முறை விண்ணப்பிக்கும் பொழுதும் அந்த கம்பெனிகள் உங்க credit historyஜ சரி பார்பார்கள். Too many credit checks இருப்பது நல்லதல்ல.

9. எந்த காரணத்தை கொண்டும் எந்த அட்டையிலும் over limit போக அனுமதிக்காதீர்கள். அதுவும் நல்லது இல்லை. ஏகப்பட்ட பைன் போட்டு தீட்டிவிடுவார்கள். அதே மாதிரி அட்டைகளை உபயோகிக்கும் பொழுது ஒரே அட்டையில் மட்டும் கடனை ஏற்றாமல் எல்லா அட்டைகளிலும் சீராக உபயோகித்தால் நல்லது என்று சொல்கிறார்கள்.

10. அமெரிக்காவில் short termமாக இருப்பவர்கள் இதைப்பற்றி அதிகம் கவலை கொள்ள தேவையில்லை. நீண்ட நாட்கள் இருக்க முடிவு செய்து இருப்பவர்கள் கடன் அட்டைகளை வாங்கும் பொழுது சரியாக திட்டமிட வேண்டும் ஏனெனில் credit score and credit history இவை இரண்டுமே நீங்க வாங்கும் வீட்டுக்கடன், கார் கடன் மற்றும் அனைத்து வகையான கடன்களின் வட்டியை நிர்ணயிக்கும். கடன் அட்டைகள்களை சரியாக கையாளாவிட்டால் உங்களின் வட்டி விகிதம் தாறுமாறாக ஏறவும் வாய்ப்பு உண்டு.

11. அதே போல் ஏதாவது ஒரு காரணத்தால் உங்களால் Minimum Balance கட்ட முடியாவிட்டால் உங்களுடைய கடன் அட்டை கம்பெனியை அணுகி பேசி ஒரு தீர்வை காணுங்கள், அது எந்த வகையிலும் உங்களுடைய credit score/history ஜ பாதிக்காத வாரு பார்த்துக்கொள்ளுங்க. Good Credits will go off in 3 years Bad credits will take 7 years to get out of your history என்பதை நினைவில் வைத்துக்கொள்ளுங்கள்.

நான் முன்னாடியே கூறியுள்ளபடி கடன் அட்டைகள் என்றாலே பயந்து நடுங்க வேண்டாம், அதை சரியான படி திட்டமிட்டு உபயோகம் செய்தால் அதனால் நமக்கு ஏகப்பட்ட இலாபம். மேலே கூறியவை எல்லாம் கடன் அட்டைகள் பற்றி எனக்கு தெரிந்த மிகச் சொற்பமான விஷயமே. இது பற்றி உங்களுக்கு வேறு ஏதேனும் தகவல் தெரிந்தால் சொல்லுங்களேன்.

இந்த பதிவில் தென்றல் சார் இந்தியாவில் உள்ள கடன் அட்டைகளை பற்றியும் சொல்லுமாறு கேட்டு இருந்தார். இந்தியாவில் கடன் அட்டைகள் வழங்கும் முறை unorganised ஆகவே இருக்கிறது. பெரும்பாலும் வங்கிகள் மாதம் சம்பளம் வாங்குபவர்களுக்கு மட்டும் தான் வழங்குகின்றன என்று நினைக்கிறேன். அதை பற்றி எனக்கு தற்பொழுது சிறிது ஞானமே உள்ளது. முடிந்தால் அதைப்பற்றியும் ஒரு தனி பதிவு இடுகிறேன்.

Its Not about the Bike — புத்தக விமர்சனம்

நவம்பர் 13, 2007

Lance Armstrong அப்படிங்கிற Cyclistஇன் சுயசரிதம் (Autobiography). உலகத்திலேயே மிகவும் கடினமான Tour De France , சைக்கிள் பந்தயத்தை ஒரு முறை அல்ல இரண்டு முறை அல்ல ஏழு முறை வென்று இருக்காரு.  அதுவும் உலகத்தில் மிகவும் கொடிய நோயான புற்று நோய்க்கு ஆளாகி மருத்துவர்களால் பிழைப்பதற்கு மிகக்குறைவான (10%-20%) வாய்ப்பே உள்ள நிலையில், அதில் இருந்து போராடி மீண்டு  இந்த சாதனையை  செய்து உள்ளார். இந்த புத்தகம் அவர் நேயிக்கான அறிகுறி தென்படுவதில் இருந்து ஆரம்பித்து அவர் அந்த நோயில் இருந்து எவ்வாறு மீண்டு பல போட்டிகளில் கடின உழைப்பின் மூலம் வெற்றி பெறுகிறார் என்பதுடன் நிறைவு பெறுகிறது.

புத்தகத்தின் நடை விறு விறுப்பாகவே உள்ளது. ஒரு சில இடங்களில் மருத்துவ துறை சார்ந்த சொற்கள் மிகையாக தென்படுகிறது, இந்த நோய் காலத்தில் அவரது தாயின் பங்களிப்பை பற்றி அவர் சொல்லும் பொழுது எனக்கு மிகையாக தோன்றியது. எ.கா, என்னுடைய அம்மா பணிவிடுப்பு எடுத்து என்னை பார்த்துக்கொண்டார், எனக்கான உணவை தயாரித்து கொடுத்தார் முதலியவை, இந்திய கலாச்சாரத்தில் வளர்ந்த நமக்கு அவை சராசரியாக எல்லா தாயும் செய்யக்கூடியவை எனவே எனக்கு அப்படி தோன்றியது என்று நினைக்கிறேன்.

இந்த புத்தகத்தில் நான் ரசித்த இன்னொரு பகுதி அவர் நோயூறுவதற்கு முன்னர் அவரை ஸ்பான்சர் செய்ய வந்த பல கம்பெனிகள், அவருக்கு நோய் என்று தெரிந்த உடன் எப்படி பின் வாங்கின என்பதும். நண்பர்கள் அவருக்கு எப்படி உதவி செய்தனர் என்று சொல்லுவது. இறுதியில் ஒரு இடத்தில் சொல்லி இருப்பார், இந்த நோய் வந்தது ஒரு விதத்தில் நல்லது தான், என்னுடைய வாழ்க்கையில் பல நல்ல நண்பர்களை அது இனம் காண உதவியது. இந்த நோய் மட்டும் வராவிட்டால், நான் இவ்வுளவு தூரம் போராடி இது போன்ற வெற்றிகளை பெற்று இருப்பேனான்னு சந்தேகம் அப்படின்னு அவர் சொல்லி இருப்பது.

புற்று நோய் என்பது ஒரு கொடிய நோய் என்று நமக்கு தெரியும். அதை விட கொடுமையானது அதற்கு கொடுக்கப்படும் சிகிச்சை என்பதனை இந்த புத்தகத்தில் இருந்து தெரிந்து கொண்டேன். அவர் அந்த நோய்க்கு அளிக்கப்படும் பெரும்பாலான சிகிச்சைகளை விளக்கமாக கூறியுள்ளார். சில சிகிச்சைகளை கேட்கும் பொழுது எதிரிக்கு கூட இந்த நோய் வரக்கூடாது என்று நமக்கு தோன்றும்.

அனு மேடம் அந்த நோயினால் அவதிப்படுகிறார், அவரும் அந்த நோயைப்பற்றியும் அதற்கு அளிக்கப்படும் சிகிச்சைகள் பற்றி  இங்கே  எழுதுகிறார்.

புற்று நோயினால் அவதிப்பட்ட Lance Armstrong, அந்த நோயினால் அவதிப்படுபவர்களுக்காக ஒரு அமைப்பை உருவாக்கி புற்று நோய் பற்றிய விழிப்புணர்வை ஏற்படுத்தி வருகிறார்.அதைப்பற்றி மேலும் அறிய  இங்கே சொடுக்கவும்.  

 இந்த புத்தகத்தில் எனக்கு பிடித்த பல நல்ல விஷயங்களுல் மிகவும் முக்கியமானது இவருடைய தன்னடக்கம் தான்.  தன்னுடைய நுரையீரலில்( lungs என்றால் நுரையீரல் தானே?) உள்ள ஒரு கூடுதல் வசதி, அதாவது மற்றவர்களை விட இவரது நுரையீரலால் கூடுதலாக காற்றை சேமிக்க முடியுமாம்,  இயற்கையின் இந்த வரப்பிராதத்தால் பல போட்டியில் வெற்றி பெற்று உள்ளார் என்று கூறி இருக்கிறான். மேலும் தன்னுடைய அணியிள் இருக்கும் சக அணியினரும் தன்னுடைய வெற்றிக்கு பெரிய அளவில் உதவி புரிந்து, பல வெற்றிகளை சாத்தியமாக்கி உள்ளனர் என்று கூறியிருப்பது.  

இதை படித்த எனக்கு பல விஷயங்கள் தெரியவந்தது. அதில் முக்கியமானது, தனி நபர் சைக்கிள் பந்தயத்தின் பொழுதும், ஒரு குழுவாக கலந்து கொண்டு, அதில் அந்த குழுவில் உள்ள ஒவ்வொருவரும், ஒரு குறிப்பிட்ட நபரின் வெற்றிக்கு எவ்வாறு உறுதுணையாக இருக்கின்றனர் என்று.  ஒரு போட்டியில் பங்கு பெற சைக்கிளின் எடை, அவரும் உடுத்தும் உடையின் எடை முதல் கொண்டு பல நுணுக்கமான பொருட்களின் பங்களிப்பு எவ்வுளவு முக்கியம் என்று அருமையாக சொல்லி இருக்கிறார். ரொம்ப நாள் கழித்து நான் படித்த ஒரு நல்ல புத்தகம் படிச்சித்தான் பாருங்களேன் உங்களுக்கும் பிடிக்கும்..

“இந்தியன் வங்கியில்” ஒரு நாள்

நவம்பர் 12, 2007

கொஞ்ச நாளைக்கு முன்னாடி ஒரு காசோலையை என்னுடைய வங்கி கணக்கில் போட எங்க ஊரில் உள்ள இந்தியன் வங்கிக்கு (Indian Bank) சென்றேன்.  நான் கணக்கை ஆரம்பிக்கும் பொழுது அந்த வங்கி கணினி மயம் ஆகவில்லை ஆனால் இப்பொழுது அது கணினி மயமாகி விட்டது. அதனால் என்னுடைய கணக்கு எண் மாறிவிட்டது.  பழைய எண்ணை காட்டி புது எண் என்ன என்று ஒரு அதிகாரியிடம் கேட்டேன், அவர் அடுத்த இருக்கையில் அமர்ந்து இருந்தவரை காட்டி அங்கே போயி கேட்கச்சொன்னார். அவரிடம் கேட்க அவர் அடுத்தவரை கை காட்ட, அவரிடம் கேட்க முதலில் நான் கேட்டவரை நோக்கி கை காட்டினார்.

எனக்கு வந்து கடுப்புக்கு ஒரு அளவே இல்லை.சரி இவனுங்களிடம் கேட்டால் ஆவாது அப்படின்னு பழைய எண்ணை போட்டு அவனிடம் கொடுத்தேன்(காசு வாங்கிட்டு வேலை செய்யாத நாய்க்கு என்ன மரியாதை? ).அதை பார்த்து விட்டு, செக்கையும், டெபாசிட் சிலிப்பையும் பின் செய்துக்கொண்டு வாருங்கள் என்று சொன்னான். நான் சொன்னேன் இல்லிங்க என்னிடம் பின் இல்லை உங்களிடம் இருந்தால் கொடுங்கள் என்று. அதுக்கு ஆமாய்யா எல்லாத்தையும் இங்க வந்து கேளு போ போயி உங்க வீட்ல வாங்கிட்டு வா இல்லாட்டி கடையில் வாங்கிட்டு  அப்படின்னு எரிந்து விழுந்தான். நான் கோபத்தின் உச்சிக்கே சென்று, பின் மட்டும் போதுமா இல்ல கம்யூட்டர் முதல் கொண்டு எல்லாத்தையும் எடுத்துகிட்டு வந்து உங்க கிட்ட காட்டி நாங்களே அப்டேட் செய்ய வேண்டுமா? அப்படின்னு கேட்டேன்? அப்புறம் எங்களுக்குள் வாக்கு வாதம் நிகழ்ந்து. வங்கி முழுவதும் (வங்கியின் மேளாலர் முதல் கொண்டு) அதை வேடிக்கை பார்த்தனர்.
பின்னர் அவன் எழுந்து விட நான் அடுத்த கவுண்டரில் போயி கேட்க அவனும் சார் பின் வேண்டும் என்று கேட்க. அவனை நான் திட்டப்போக அதற்குள், வங்கியில் வேலை செய்யும் அப்பாவின் நண்பர் வந்து எங்களை சமாதானம் செய்து அழைத்துச்சென்றார். ஆக மொத்தம் அந்த வங்கியில் வேலை செய்யும் அந்த இரண்டு அலுவலர்களும் கடைசி வரையில் யூனியன் அமைத்துக்கொண்டு அந்த காசோலையை கணக்கில் போடவில்லை.

நான் ஒரு NRI என்று தெரிந்த பிறகு அந்த மேனாஜர் என்னை அவரது அறைக்குள் அழைத்து சென்று பேசிய பேச்சு என்ன அழகு அட அட… அட நாயிகளா அந்த டாலர் தாள்களுக்கு இருக்கும்  மரியாதை ஒரு மனிதனுக்கு கிடையாதா? படித்த மக்களிடமே இந்த அழிச்சாட்டியம் செய்யும் இவர்கள் படிக்காத மக்களை எப்பாடு படுத்துவார்கள்? இதற்கு எல்லாம் ஒரு முடிவே இல்லையா?  இதுவே ஒரு தனியார் வங்கியில் நடக்குமா? இந்த நாய்களை தட்டிக்கேட்பதை விட அந்த மேளாலருக்கு என்ன வேலை? வேலை போகாது என்ற தைரியத்தில் எல்லாரையும் மதிக்காமல் இருக்கும் இது போன்ற அதிகாரிகளுக்கும் ஏதாவது தண்டனை கிடைக்குமா தெரியவில்லை காலம் தான் பதில் சொல்ல வேண்டும்.

203. பரதன் இந்த பொழப்புக்கு நல்லா வாயில வருது

ஜூலை 11, 2007

Devil’s advocate என்ற நிகழ்ச்சியில் கரண் தப்பார் CPI கட்சியின் இந்திய பொது செயலாளர் பரதனுடன் பேட்டி காண்கிறார். இந்த பேட்டி சாராம்சம் பிரதீபா பாட்டீல் போன்ற ஒரு ஊழவாதி, பிற்போக்கு சிந்தனை கொண்ட ஒரு பெண் இந்திய ஜனாதிபதியாக போட்டி இட தகுந்தவரா? நீங்களே இந்த வீடியோவை பாருங்க பரதன் அவரிடம் என்ன பாடு படுகிறார் என்று.

முதல் வீடியோ

இரண்டாம் வீடியோ

மூன்றாம் வீடியோ

இந்த பேட்டி முழுவதும் கரண் மூன்றே மூன்று குற்றச்சாட்டுகளை தான் வைக்கிறார்.

1. பிரதீபா தலைவராக இருந்த ஒரு மகளரிருக்கான முன்னேற்ற வங்கியில் அவரது குடும்பத்தினர் கோடிக்கணக்கில் கடன் வாங்கி வங்கி திவாலாக காரணமாக இருந்து இருக்கின்றனர். அவரது சகோதரன் சுமார் 20 லட்ச ரூபாய் அளவுக்கு தொலைபேசியை பயன்படுத்தி இருக்கிறார், SC/ST பிரிவினருக்காக ஒதுக்கீடு செய்யப்பட்ட வேலையை தன்னுடைய சொந்த பந்தங்களுக்கு பெற்று தந்து இருக்கிறார். அகமதாபாத் நீதிமன்றத்தில் இவர் மீது வழக்கு தொடரப்பட்டு அதில் இவர் 8வது குற்றவாளியாக இருக்கிறார். இப்படிப்பட்ட ஊழல் வாதியை, நிர்வாக திறமையற்றவரை எநத அடிப்படையில் வேட்பாளராக தேர்ந்து எடுத்தீர்கள்?

பதில் : I. பிஜேபி காரனுங்க ஊழல் செய்யவில்லையா? காங்கிரஸ்காரனுங்க ஊழல் செய்யலையா? இவை எல்லாம் எதிர்கட்சியின் அவதூறு.

II. அவங்க அண்ணன் தம்பிங்க செய்த தப்புக்கு இந்த அப்பாவி பொம்பளை என்ன செய்வாங்க?

III. வழக்கு தானே தொடர்ந்து இருக்காங்க இன்னும் தீர்ப்பு வரவில்லையே?

2. பரம்பரை வியாதி உள்ளவர்களுக்கு கட்டாயமாக தடுப்பூசி போடப்படும் என்று பிரதீபா கூறி இருக்கிறார். இந்த செயலை நீங்கள் அனுமதிப்பீர்களா? நாளையே இவர் ஜனாதிபதியாகி இதை நாடு முழுவதும் செயல்படுத்த மாட்டார் என்பது என்ன நிச்சயம்?

பதில் I. இல்லை நான் இதை ஒத்துக்கொள்ள மாட்டேன். வழக்கம் போல ஜல்லி பதில்கள்.

3. ஒரு ஜனாதிபதி வேட்பாளர் தனக்கு ஆவிகளின் மீது நம்பிக்கை இருக்கிறது என்றும், 1969 ஆம் ஆண்டு இறந்த ஒருவருடன் பேசி இருக்கிறேன் என்றும், வேட்பாளராக அறிவிக்கப்பட்ட பிறகு கூறுகிறார் இதைப்பற்றி உங்களின் கருத்து என்ன?

பதில் I. முதலில் சிரிக்கிறார் பிறகு, காங்கிரஸ் பி.ஜே.பி கட்சியில் கூட இது போல இருக்கின்றனர் என்று கூறுகிறார்.

பதில் II. ஜனாதிபதியான பின்னாடி இது மாதிரி செய்ய மாட்டார் என்று கூறுகிறார்.

இறுதியாக கரண் கேட்கிறார். ஒரு Potentially ஊழல்வாதி, ஆவிகளை நம்பும் ஒரு பிற்போக்கு சிந்தனைவாதி, forced sterilization சிந்தனை உடைய ஒரு பெண்மணியை நீங்கள் இன்னும் வேட்பாளராக பரிந்துரை செய்கிறீர்கள்?

அதற்கு பரதன் கூறுகிறார் “அவருக்கு 40 வருட அரசியல் அனுபவம் இருக்கிறது”.

பரதன் போன்ற மூத்த அரசியல்வாதியிடமிருந்து இது போன்ற ஒரு பேட்டியை எதிர்பார்க்கவில்லை. கேவலமான சமாளிப்புக்கள், மொத்தத்தில் கம்யூனிஸ்டுகளும் திரவிட கட்சிகளுக்கு எந்த விதத்திலும் சளைத்தவர்கள் அல்ல என்று நிரூபித்து உள்ளனர்.

பிரதீபாவின் நிலைமை தான் இப்படி என்றால் பைரவ் சிங்க ஷகாவத்தின் நிலைமை இன்னும் மோசம். காவலராக வேலை செய்து கொண்டு இருந்த பொழுது லஞ்சம் வாங்கிய குற்றத்திற்காக அவரை பணிநீக்கம் செய்து இருக்கிறார்கள். அவர் முதல்வராக இருந்த பொழுது தவறான நடத்தை உள்ள பெண்களுக்கு பல முக்கிய பதிவிகளை அளித்தாக குற்றச்சாட்டு. இதற்கு பி.ஜே.பி தலைவர் ராஜ் நாத் சிங்கின் ஒரே பதில் “அவரை எனக்கு பல வருடங்களாக தெரியும் அவர் நல்லவர் வல்லவர். இது எல்லாம் எதிர்கட்சிகளின் திட்டமிட்ட குற்றச்சாட்டு”

so இந்தியாவின் அடுத்த ஜனாதிபதி ஒரு ஊழல்வாதி, பொது சொத்துக்களை குடும்பத்துடன் கொள்ளையடிக்கும், ஆவிகளுடன் பேசும் பழமைவாதி பெண்மணியா? அல்லது லஞ்சம் வாங்கும், பலான பெண்கள்க்கு பதவியை வாரி வழங்குபவரா என்பதே மில்லியன் டாலர் கேள்வி.

200. கலக்குது இளசு

ஜூலை 5, 2007

ஒரு நல்ல விஷயம் அல்லது ஒரு பொருளை எப்படி கெடுத்து குட்டி சுவர் ஆக்க முடியும் அப்படிங்கிறதுக்கு ஆர்குட் ஒரு அருமையான உதாரணம். ஒரு காலத்தில் படித்த நண்பர்களை எல்லாம் சில பேர் கண்டுபிடித்து சந்தோசப்பட்டுக்கொண்டு இருக்கும் வேளையில். அதையே நாடுகளுக்கும், சமுதாயங்களுக்கும் எதிரான கருத்துக்களை பரப்பி அதை தடை செய்யும அளவுக்கு அழித்து குட்டிச்சுவர் ஆக்கிக்கொண்டு இருக்கிறது ஒரு கூட்டம். அதையே நல்ல விஷயத்துக்கும் உபயோகப்படுத்த முடியும் என்று ஒரு இளைஞர் கூட்டம் நிரூபித்து உள்ளது.

உங்களுக்கு எல்லாம் தெரிந்து இருக்கும் ஆர்குட்டில் குழுக்களை உருவாக்க முடியும் என்று. அப்படி ஒரு குழு தான் “upliftment of the orphans” என்ற குழு. இதில் உள்ள இளைஞர்கள் மற்றும் இளைஞிகள் மாதம் ஒரு முறை ஒரு அனாதை இல்லத்தை தேர்ந்து எடுத்து அதில் உள்ள குழந்தைகளுக்கு நேரில் சென்று தன்னாலான உதவிகளை செய்கின்றனர். இதை செய்யும் அனைவரும் 25 அல்லது 26 வயதுக்குள்ளான இளைஞர்கள். எனக்கு தெரிந்த வரையில் அனைவரும் தன்னுடைய சொந்த காசையே இதற்கு செலவு செய்கின்றனர். சென்னையில் துவங்கிய இவர்களது பணி ஹைத்திரபாத்திலும் துவங்கியுள்ளது.

இவர்களைப்பற்றி மேலும் விவரம் அறிய இவர்களின் ஆர்குட் குழுமத்தை இங்கே கிளிக்கி பாருங்க (இதை பார்க்க உங்களுக்கு ஆர்குட் account அல்லது கூகுள் account தேவை). இவர்கள் மாதம் ஒரு முறை, பெரும்பாலும் பிரபலமில்லாத ஒரு அனாதை இல்லத்தை தேர்ந்து எடுத்து அவர்களை தொடர்பு கொண்டு அவர்களின் தேவையறிந்து தங்களால் என்ன முடியுமோ அதை செய்கின்றனர். இவர்கள் அடுத்து எந்த இல்லத்தை சென்று பார்க்க போகிறார்கள் போன்ற விவரங்களை பற்றி மேலும் விவரம் அறிய அவர்களின் குழுமத்தில் உள்ள “topic” பகுதியினை பாருங்க.

நான் இந்த வயதில் இதை பற்றி எல்லாம் யோசித்து கூட பார்த்தது இல்லை. ஏதோ யாராவது வந்து கேட்டால் என்னால் முடிந்ததை குடுப்பதோடு சரி. இன்றைக்கு பொழுது போக்கவும், பணத்தை செலவு செய்யவும் பல இடங்களும் வழிகளும் இருந்தும் கூட அதையும் தாண்டி இது போன்ற நல்ல காரியங்களை செய்யும் நீங்கள் உண்மையிலேயே பாராட்டுக்கு உரியவர்கள். Hatsoff guys you are doing a very wonderful job.

199 – தி பாஸ்கர்

ஜூன் 28, 2007

‘தளபதி’ வந்த டைம்லதான் ‘தலைவா’ன்னு தறிகெட்ட ரஜினி ஃபேனாகி சுத்த ஆரம்பிச்சான் பாஸ்கர். அப்ப அவனோட எதிரி நாட்டு மன்னன் கமல், ‘குணா’வோடு களத்துக்கு வந்திருந்தாப்ல. அங்கிட்டு, ‘அப்பன் குடுத்த மூஞ்சி… அப்பன் குடுத்த மூஞ்சி’னு கமல் ஃபீலிங் பிர்காவைப் போட, இங்கிட்டு ரஜினி சட்டையை ஏத்திக்கட்டி, ‘ராக்கம்மா கையத் தட்டு’ன்னு குத்துல ஆட… ஏரியாவுக்கு ஈரக்கொல நடுங்க ஆரம்பிச்ச நேரம்… எக்ஸ்ட்ரா கட்டிங்கை உள்ள விட்ட பாஸ்கரு, ‘எவன்டாவன் என் தலைவனைப் பத்தித் தப்பா பேசினது..? உங்காளு படம் மட்டும் ஓடிருச்சுன்னா ஒத்த பக்க மீசையை எடுத்துருவான்டா இந்தத் தளபதி பாஸ்கரு!’ என மசமச மப்பில் எகிறியபோது, குபீர் கூட்டணி போட்டு ஓடி வந்த எதிர்க் கும்பல், பழ வாசனை-யோடு பாஸ்கரைப் பகுதிவாரியாகப் பஞ்சராக்கி டிரெய்னே-ஜில் உருட்டியது. அஞ்சாறு நாள் தர்மாஸ்பத்திரியில் தலை- தொங்கிக் கிடந்த பயலை, ஏரியா ரஜினி மன்றத் தலைவர் சாத்துக்குடி சந்திப்பு நடத்தினார். ‘தலை-வனுக்காக உசுரைக்கூடத் தருவேன். இது இன்னா ஜுஜுபி…’ என வீர சபதம் எடுத்ததில், தெர்மா மீட்டர் தெறிக்கிற அளவுக்கு எகிறியது பாஸ்கரின் ரஜினி ஃபீவர்.

அப்புறம், நம்மாளோட ரசிக அலப்-பறை ஏரியா -பூரா பாப்புலராச்சு! பகுதி -வாழ் கோயில் திருவிழா, காதணி, பூப்புநீராட்டு உள்ளிட்ட விசேஷங்கள், சபரிமலை இருமுடி கட்டு விழா, கிரிக்கெட் டோர்னமென்ட்டுகள் என எது வந்தா-லும் மன்றத்தின் சார்பாக போஸ்டர் அடிக்கிற மகத்தான பணி-களுக்கு ஆல் இன் ஆல் அல்லக்கை நம்ம பாஸ§தான்! நைந்து போன நாப்பது பக்க நோட்டுடன் கலெக்ஷன் மேளாவில் காய்ந்து திரிவான். அபூர்வ- ராகங்களிலிருந்து நரை தாடி ரஜினி வரை டிஸைன் களைப் போட்டு, ‘நிஜத்தின் நிகழ்-காலமே! இந்தியாவின் எதிர்-காலமே!’ன்-னெல்லாம் வார்த்தை-களைப் பிடிச்சு, போஸ்டர் அடிச்சு, கண்ணுமுழிச்சு ஒட்டுவதில்தான் பயபுள்ளைக்கு பிறவிப்பயன். ஒரு தடவை ஓவர் ஆர்வக்கோளாறு உச்சந்தலைக்கு ஏறி, புத்தர், இயேசு பரமசிவன் படத்தில் எல்லாம் ரஜினி முகத்தை கிராஃபிக்ஸ் பண்ணி, ‘நேற்றுவரை நீ மனிதனப்பா, இன்று முதல் நீ புனிதனப்பா’ன்னு எழுதின போஸ்டரை ஒட்டிப்புட்-டான் பாஸ§. ‘எவன்டா ஒட்டுனது…’ன்னு ஏரியா கட்சி ஆளுங்க சுளுக்கு சூனியம் வைக்கத் தேட, ஒரு வாரம் பாஸ§ பாண்டிச்சேரில அக்கா வீட்டில் பதுங்கியிருந்தது தரித்திர சரித்திரம்.

நிரந்தர வேலைன்னு நம்மாளுக்கு ஒண்ணும் கிடையாது. சுண்ணாம்பு அடிக்கிறதுல ஆரம்பிச்சு, டைல்ஸ் போட்றது வரைக்கும் சிக்குற வேலைல வண்டி ஓட்ற வாழ்க்கதேன். ஆனா, தலைவனுக்காக ஒண்ணு பண்ண-ணும்னா கந்து வட்டி வரைக்கும் பந்தடிச்சுப் பொரட்டிருவான். ரஜினி படம் முதல் நாள் முதல் ஷோ பார்க்கலைன்னா, பொறந்ததுக்கு அர்த்தமே இல்லைங்-கிறது பாஸ்கரோட கொலைவெறி பாலிஸி. ஒன்பது மணிக்கு ஷோன்னா கார்த்தால அஞ்சு மணிக்கெல்லாம் கண்ணு சிவக்கக் கவுன்ட்டராண்ட கன்ட்ரோல் பணிகளுக்கு நிப்பான். அப்புறம் ஓடி ஓடி மாலைகள், பூக்கள், கற்பூரம், பூசணி, லாட்டரி சீட்டுகள்னு வெப்பன்ஸ்-களை இறக்கிட்டே இருப்பான். ஷோ முடியறதுக்குள்ள சட்டை கிழிஞ்சு, அந்து அவலாகி ஸ்பைடர்மேனுக்கு சிக்குன்குன்யா வந்தது மாதிரி கிரிப்பை விடாம நின்னுட்டிருப்பான்.

நடை, உடை, மேனரிஸம்னு எல்லாத்துலயும் ரஜினியை அப்பிடியே ஜெராக்ஸடிப்பான் பாஸ்கரு. தலைவன் என்ன கெட்டப் போட்டாலும் அதை உடனே ஒர்க் அவுட் பண்ணி, ஏரியாவை கலங்கடிக்கிறது அவனோட கலவர ஹாபி! ‘அண்ணாமலை’ வந்தப்ப பால்காரன் கெட்டப்ல விபூதியை அள்ளிப் பூசிட்டு சைக்கிள்ள பால்-கேனை மாட்டிதான் முதல் ஷோவுக்கு வந்தான். பாட்ஷா டைம்ல தாடியோட திரிஞ்சான். படையப்பா சீஸன்ல தாடியில சுண்ணாம்பு அடிச்சு சுத்தி-னான். பாபாவுக்குத் தலைப்பாகைன்னு இந்த மாறுவேஷ ரகளைக்குன்னே மார்வாடி கடையில ஃபேன்ல ஆரம்பிச்சு பித்தளைச் சொம்பு வரைக்-கும் பல அயிட்டங்களை அடகு வெச்சிருக்கான்.

பாஸ்கர் அப்பா பேரு திரவியம். அதனால, சிவாஜி படம் வந்ததுமே புல்லரிச்சுப் போயிட்டான். என்னா விஷயம்னா… சிவாஜிக்கு ‘தி பாஸ்’னு கேப்ஷன் போடுறாங்கள்ல, உடன டியா சிவாஜி & ‘தி பாஸ்’கர்னு தன் பேரை போஸ்டர்கள்ல போட்டுப் பொளக்க ஆரம்பிச்சுட்டான். அங்கிட்டு இங்கிட்டு காசைப் புரட்டி மொட்-டையப் போட்டு, கோடு தாடி இழுத்து, பாண்டி பஜார் போயி கூலிங் கிளாஸ், கோட்டு செட்டப்னு பிளிறலா எழுந்-துட்டான். ஷ¨ வாங்க மட்டும் துட்டு இல்ல; பழைய இத்துப்போன ஷ¨வைத் துவைச்சுப் போட்டு, மொத ஷோவுல தலைவன் கட்டவுட்டுக்கு பாஸ§ பாலாபிஷேகம் பண்ணின போஸ§ சி.என்.என். வரைக்கும் வந்து போச்சு!

‘‘தலைவன் அரசியலுக்கு வந்தா, அம்புட்டுப் பயலுவளும் காலி! அதெல்லாம் அவருக்குத் தெரியும். அதான், பொறுமையா இருக்காரு… வந்து அடிப்பாரு பாரு ஆப்பு!’’னு அடிக்கடி டீக்கடைகள்ல பாஸ்கரு வைக்கிற மைக்கு கோட்டை வரைக்கும் கேட்கும்.

பாஸ்கர் வீட்லதேன் ஒரே அனத்து, ‘பாவிப் பய… இப்பிடி வெளங்காமத் திரியுறானே…’னு! ‘வீட்டுக்குன்னு ஒரு பைசா தந்திருக்கியாடா நீ?’னு அம்மா அடிக்கடி கேட்கும். அதுக்கும், ‘ஏய்… ஏய்… ஏய்… ஆண்டவன் நல்லவங்களைத் தான் சோதிப்பான். ஆனா, கைவிட மாட்டான்’னு தலைவன் பாணி-யிலேயே பதில் சொல்லிட் டிருக்கான் பக்கிப்பய! — நன்றி விகடன்

இதை படிச்சி முடிச்ச உடனே எனக்கு என்னோட நண்பன் ஜெய் சங்கர் தான் நியாபகத்துக்கு வந்தான். பாஸ்கருக்கும் அவனுக்கும் கொஞ்சம் கூட வித்தியாசம் கிடையாது. என்ன பாஸ்கருக்கு கதையின் இறுதிவரை புத்தி வரவே இல்லை ஆனா ஜெய்க்கு கொஞ்ச நாள் கழிச்சி புத்தி வந்து இப்போ ஆட்டோ ஓட்டிகிட்டு இருக்கான். ஆனா சிவாஜி படத்துக்கு கண்டிப்பா அவனோட ஒரு வாரமோ இல்ல ஒரு மாச வருமானமோ போயி இருக்கும். இந்த கதையை காமெடியில போட்டு இருக்குறாங்க படிச்சி முடிக்கும் பொழுது சிரிப்பு வரலைங்க. சோகமா இருக்கு இது மாதிரி இன்னும் எத்தணை பாஸ்கர்களும் ஜெய்சங்கர்களும் உதவாத பாஸா தமிழ்நாட்டுல சுத்திகிட்டு இருக்காங்கலோ :(.

192. இவர்களுக்கு எப்படி வந்தது இந்த தைரியம்?

ஜூன் 8, 2007

ஒரு இன்ஸ்பெக்டரை நடுரோட்டில் தீ வைத்து கொளுத்துகிறது ஒரு வன்முறை கும்பல். அவருக்கோ தன்னை காப்பாற்றிக்கொள்ளவே சக போலீசார் உதவ வேண்டிய நிலை (“ஒரு நடுநிலைமை நாழிதல்” இதை ஒரு விபத்தாக கதை கட்டுகிறது. என்னே உங்க மனித நேயம் மற்றும் பத்திரிக்கை தர்மம்).

ஒரு ரவுடிக்கும்பல் ஒரு பத்திரிக்கை அலுவலகத்துக்குள் புகுந்து அடித்து நொறுக்கிவிட்டு இரண்டு மூன்று பேரை கொன்றுவிட்டு வெற்றிகரமாகா வெளியே வருகிறது.

கரூரில் இரு கட்சியினர் தாக்கிக்கொள்வதால் பஸ் நிறுத்தம் பள்ளிகள் மூடல்.

லேட்டஸ்டா தூத்துக்குடி ஆ.தி.மு.க அலுவலகம் முன்பு பெட்ரோல் குண்டு வீச்சு.

இவை மட்டும் அல்லாது தினமும் தலைப்பு செய்திகளாக வரும் ஆள் கடத்தல், கட்ட பஞ்சாயத்து என தமிழகம் முழுவதும் நீக்கமற நிறைந்து இருக்கும் குற்றங்கள். ரவுடிகளை கண்டு பொது மக்களும், தொழில்துறையினரும் நடுங்கும் நிலை.

பெரிய அளவிலான கலவரங்களை ஏற்படுத்த உபயோகப்படுத்தப்பட்ட பெட்ரோல் வெடிகுண்டுகள் எல்லாம் தற்பொழுது சாதாரண ஆயுதமாகிவிட்டது. எங்கே போகிறது தமிழகம்? ஜனநாயக தமிழகத்தில் தான் வாழ்கிறோமா? சட்டம் ஒழுங்கு காவல்துறையின் கட்டுப்பாட்டில் தான் இருக்கிறதா? என்று அச்சம் கொள்ள வைக்கிறது.

ஸ்காட்லாண்டு யார்டுக்கு இணையாக சொல்லப்படும் தமிழக காவல் துறைக்கு ஏன் இந்த நிலை ஏற்பட்டது, இந்த சமூக விரோதிகளுக்கு எப்படி வந்தது இவ்வுளவு தைரியம் :

மக்கள் தான் உங்களின் உண்மையான எஜமானர்கள் என்று மறந்து, மாமூலுக்கும், “வழமையான” ஏரியா மாறுதலுக்கும் ஆசைப்பட்டு அரசியல்வாதிகளின் வீடுகளில் காவல்காரகளாக மாறியதாலா?

எந்த கட்சி ஆட்சிக்கு வந்தாலும் அவர்களின் மீது தன்னுடைய விசுவாசத்தை காட்ட எதிர்கட்சியினர் மீது வேட்டைநாய்கள் மாதிரி பாய்வதும், ஆளுங்கட்சியினர் கண்டால் வாலை குழைத்து செல்வதாலா?

ஏரியாவாரியாக சமூகவிரோத செயல்கள் செய்பவர்களுடன் கூட்டணி அமைத்து, கமிஷன் முறையில் வேலை பார்ப்பதாலா?

மாமன் மச்சான் அவன் இவன் என்று தகுதிகள் எதுவும் இல்லாத தற்குறிகளுக்கும் யார் அதிகமாக லஞ்சம் கொடுக்கிறார்களோ அவர்களுக்கு காவல்துறையில் வேலைவாய்ப்பும், பதவி உயர்வும் கொடுப்பதாலா?

இவை எல்லாம் செய்தது பத்தாது என்று செந்தமாகவே வழிப்பறி, கொள்ளை, கற்பழிப்பு என்று இறங்கியதாலா?

போதும் இந்த அரசியல் கட்சிகளை ஆதரிக்கும் போக்கு. போதும் ஒரு கட்சியை ஆதரித்தால் அடுத்த கட்சியின் ஆட்சியின் பொழுது பந்தாடப்பட்டதும், அடிப்பட்டதும். எங்கே போய் விட்டது உங்களின் பழைய மிடுக்கும், அஞ்சா நெஞ்சமும், மக்களுக்கு உதவும் போக்கும். இது எல்லாம் இல்லாமல் போலீஸ் உடை அணிந்து கண்ணாடியில் பார்க்கும் பொழுது உங்களுக்கே வெட்கமாக இல்லை?

இந்த நிகழ்வுகளுக்கு பின்னராவது மக்கள் தான் உங்களை நேசிக்கும் உண்மையான எஜமானர்கள் என்பதை புரிந்து கொண்டு, உங்களிடையே இருக்கும் கசடுகளை கழித்து, பழைய பொழிவுடன் உலகத்தில் உள்ள மற்ற காவல்துறைக்கு நீங்களும் சளைத்தவர்கள் அல்ல என்பதை நிருபிப்பீர்கள் என்ற நம்பிக்கையுடன் வாழும் தமிழகத்தின் ஒரு அப்பாவி தமிழன்.

190. ஒரு வேண்டுகோள்

ஜூன் 3, 2007

American Express நிறுவனம் ஒரு புதிய திட்டத்தை ஏற்படுத்தி இருக்கிறது. இதில் AMEX Credit Card வைத்து இருக்கும் அனைவரும் ஒரு திட்டத்தை அவர்களிடம் அளிக்கலாம் எ.கா “அனாதை குழந்தைகளுக்கு உதவ ஒரு நிதி ஏற்படுத்துவோம்” இது மாதிரி உங்களுக்கு தோன்றும் ஒரு திட்டத்தை அவர்களிடம் அளிக்கலாம், பின்னர் அதன் மீது ஓட்டெடுப்பு நடைபெறும், உங்களின் திட்டம் தேர்ந்து எடுக்கப்ப்ட்டால் நிதி உதவி செய்யப்படும். நான் இந்தியா என்று தேடியதில், இந்தியாவுக்கு நன்மை அளிக்கும் வகையில் சில திட்டங்கள் இருந்தன. அதில் சில நல்ல திட்டங்களாக எனக்குப்பட்டன. நம்மில் பலர் AMEX கடன் அட்டையை வைத்து இருப்போம், கீழே உள்ள ஏதாவது ஒரு திட்டத்துக்கு வாக்களித்து அத்திட்டம் வெற்றி பெற உதவலாமே?

1. Child Education to Rural India – Project ID: 00420
2. Schools for Barefoot Children in India – Project ID: 00870
3. Computer Literacy for trafficked children – Project ID: 02590

இந்த திட்டத்தை பற்றி மேலும் அறிய இங்கே செல்லவும் . இதை பற்றி உங்கள் நண்பர்களிடம் தெரிவிக்கலாமே?

182. சாப்டுவேர் கம்பெனிகளின் Foundationகள்

மே 4, 2007

பொதுவா எல்லா கணிப்பொறி நிறுவனங்களுமே foundations என்கிற பெயரில் ஒரு சமுதாய நற்பணிகள் செய்வதற்காக ஒரு துணை நிறுவனங்கள் அமைத்துக்கொள்கின்றன. அப்படி அமைத்துக்கொண்டு அவர்கள் அடிக்கும் கூத்துக்கு ஒரு அளவே கிடையாது. எனக்கு தெரிந்த நிறுவனத்தில் பெண்களுக்கு என்றே ஒரு அமைப்பு உண்டு அதுல சமூக சேவை செய்து நான் கேள்விப்பட்டது இல்லை. அப்படியே இருந்தாலும் கம்பெனிக்கு பயன்படாத ஓட்டை கம்யூட்டர்கள் 50ஜ இவங்களுக்கு அளித்தோம் அவங்களுக்கு அளித்தோம் அப்படின்னு பெரிய பெரிய விளம்பரத்துடன் இவர்கள் அளிக்கும் charity மாதிரியானவை.

ஆனா மாசம் தவறாம கோலப்போட்டி, மாறுவேடப்போட்டி இந்தப்போட்டி அந்தப்போட்டி என்று நடத்துவார்கள். தீபாவளி பொங்களுக்கு பக்கத்துல இருக்குற அனாதை இல்லங்களுக்கு பட்டாசு குடுப்பாங்க. இந்த அமைப்பு கொஞ்ச நாட்களுக்கு முன்னாடி அட்லாண்டாவில் ஒரு கூட்டம் ஏற்பாடு. அதில் கலந்து கொள்ள இந்தியாவில் இருந்து அந்த அமைப்பின் தலைவி வந்து இருந்தாங்க. கொடுமையை பாருங்க இங்க வந்து அந்த அம்மா செய்தது என்ன தெரியுமா குழந்தைகளுக்காக நடந்த மாறு வேடப்போட்டியில் ஜெயித்தவர்களுக்கு பரிசு அளித்தது. இதுக்காக அந்த அம்மா இந்தியாவுல இருந்து வந்து இருந்தாங்க.

வந்தது பெரிய இடம் ஆச்சே (பொதுவா இது போன்ற அமைப்புக்களுக்கு அந்த கம்பெனியின் CEO பொண்டாடி புள்ளைங்க மற்றும் Board Memberகளின் சொந்த பந்தங்கள் தான் நிர்வாக பொறுப்பில் இருப்பார்கள்) உங்களுக்கே தெரியும் விமானத்துல முதல் வகுப்பு, மினிமம் 5 நட்சத்திர ஹோட்டல், வந்தவங்க சும்மா இருப்பாங்களா அவங்க சுற்றமும் நட்பும் இங்கன பல மாநிலங்களில் இருப்பாங்க அவங்களை எல்லாம் நேரில் பார்த்து குசாலம் விசாரிப்பு, அப்படியே இங்கன எங்க எல்லாம் சுத்தி பார்க்க முடியுமோ அத்தைனையும் பார்த்துட்டு போனாங்க. எல்லாம் யாரு அப்பன் ஊட்டு காசு என்னையும் உங்களையும் மாதிரியான ஆட்கள் ராத்திரி பகலா உழைச்சி கொட்டினதை, இவனுங்க foundation அப்படிங்கிற பெயரில் இப்படி கூத்து அடிக்கிறானுங்க.

இவங்க இப்படி வாழ்றாங்க. அதுவே ஒரு சாதாரண employee என்ன கேட்டாரு தெரியுமா, கைக் குழந்தை இருக்குங்க இங்க இருந்து நேரடியா சென்னை போகிற விமானத்தில் ஒரு டிக்கெட் எடுத்து குடுங்க அப்படின்னு அதுக்கு “No No Company Policy doesnt allows that” அம்முட்டு தான் ஒரு வரி பதில் 50 stop overகளுடன் நடந்து போயி இருந்தாலும் நிம்மதியா போயி இருக்கலாம் அப்படின்னு தோணும் அளவுக்கு சலிப்பையும் வலியையும் ஏற்படுத்தக்கூடிய ஒரு விமான பயணம்.

கேட்க ஆள் இல்லை அப்படி கேட்டாலும் companyயின் Internet Policyக்கு எதிராக நீ போக கூடாத தளத்துக்கு போனாய் ஒழுங்க resignation letter குடுத்துட்டு ஓடிப்போயிடு இல்லாட்டி நாங்க வேலையை விட்டு தூக்கிடுவோம் அப்படின்னு அன்பா வேலையை விட்டு தூக்கும் பண்பாளர்கள். இல்லாட்டி இருக்கவே இருக்கு யாருக்குமே புரியாத, தொழிலாளியை வேலையை விட்டு தூக்க மட்டுமே பயன்படுத்தப்படும் company ethics. ஆடுங்கடா ஆடுங்க இன்னும் எம்முட்டு நாள் தான்.

இதை எல்லாம் ஏன் சொன்னேன் என்றால் Infosys நாராயண மூர்த்தி பற்றி எனக்கு நல்ல அபிப்ராயம் இருந்தது, அவரை அடுத்த ஜனாதிபதியா தேர்ந்து எடுக்கலாம் அப்படின்னு சொன்ன தளத்துக்கு எல்லாம் போயி ஓட்டு போட்டேன், இமெயிலை மெயிலே அனுப்பாதவனுக்கு எல்லாம் forward செய்தேன். அவரோட சந்தியை இங்க (இந்த பக்கத்தில் கொஞ்ச கீழே போனால் “Charity Narayan Murthy Style”, “Cornell loves Narayana Murthy” போன்ற சுட்டிகளை படிச்சி பாருங்க, முடிந்தால் மொத்த கதையையும் படிச்சி பாருங்க.)எப்படி சிரிக்க வெச்சி இருக்காங்க பாருங்க.

கோடிக்கணக்கான வருமானம் 150% வரை லாபம் கணக்கு கேட்க ஆள் இல்லை, லஞ்சமும் ஊழலும் கணிப்பொறி நிறுவனங்களில் தலை தூக்க ஆரம்பித்து விட்டது. படித்தவர்கள் வந்தால் லஞ்சமும் ஊழலும் குறைந்துவிடும் அப்படிங்கிறது எல்லாம் சும்மாங்க மனுசன் இருக்குற வரைக்கும் அதை எல்லாம் ஒண்ணுமே செய்ய முடியாதுங்க.