Archive for the ‘America’ Category

166. அமெரிக்காவுக்கு ரஷ்யா எச்சரிக்கை

மார்ச் 5, 2007

இது கொஞ்சம் பழைய செய்தி. ஜ.நா பாதுகாப்பு கவுன்சிலின் ஒப்பந்தத்தை மீறி இராக்கை தவிர வேற ஈரான் உட்பட எந்த நாட்டையும் அமெரிக்கா தாக்க கூடாது என்று ரஷ்யாவின் வெளியுறவுத்துறை அமைச்சர் இங்கே கூறி உள்ளார். சமீபகாலமாக ஈரான் தான் ஈராக்கில் உள்ள “so called” தீவிரவாத அமைப்புக்களுக்கு உதவி செய்வதாக அமெரிக்கா ஜல்லி அடித்து வருகிறது, மேலும் அமெரிக்கா ஈரானை தாக்குவதற்கான வாய்ப்புக்கள் உள்ளன என்ற நிலையில், இது நாள் வரை உலக விஷயங்களில் அதிகம் அக்கரை காட்டாத ரஷ்யாவின் இந்த அறிக்கை வியப்பு அளிக்கிறது. ராணுவ பலம் முதல் கொண்டு பொருளாதாரம் வரை அமெரிக்காவின் பலத்தில் சிறிதளவே ரஷ்யா இருந்தாலும் இந்த அறிக்கையின் மூலம் அமெரிக்காவுக்கு எதிராக குரல் குடுக்க யாரும் இல்லை என்ற குறை நீங்க ரஷ்யா ஆரம்பித்து வைத்து இருக்கிறது. அமெரிக்காவின் இந்த போர் வெறி நிலைப்பாடு தொடருமானால் மற்ற உலக நாடுகளும் அதற்கு எதிராக திரும்பும் என்பதில் சந்தேகமே இல்லை. ரஷ்யாவின் இந்த நிலை சிறிது முக்கியத்துவம் வாய்ந்ததே ஏனெனில் ஜ.நாவில் விடோ சக்தி உடைய நாடுகளில் ரஷ்யாவும் ஒன்று, இதற்கு மேல் அது அமெரிக்காவின் அனைத்து தீவிரவாதி ஜல்லிக்கும் தலையாட்டாது என்று நம்பலாம். ஒரு எதிர்ப்பு கிளம்பி இருக்கிறது மற்ற நாடுகள் எப்பொழுது கொதித்து எழப்போகின்றன என்று பார்க்கலாம்.