Archive for the ‘Technology’ Category

விவசாயிகளின் தேவதை

நவம்பர் 16, 2007

இங்கிலாந்தை சேர்ந்த Reutuers நிறுவனமும், மகாராஷ்டிராவை சேர்ந்த MCX நிறுவனமும் இணைந்து மகாராஷ்டிராவில் உள்ள விவசாயிகளின் நலனுக்காக Market Light என்ற சேவையை துவக்கி உள்ளது. இதன் நோக்கம் விவசாயிகளுக்கு விவசாய பொருட்களின் தற்போதைய சந்தை விலை, அதாவது பல்வேறு மண்டிகளில் ஒரு குறிப்பிட்ட பொருளுக்கான விலை எவ்வுளவு என்று தெரியப்படுத்துவதே. இத்திட்டதில் சேரும் விவசாயிகளுக்கு  அவர்கள் விரும்பும் பொருளுக்கான வாங்கும் விலை அதாவது எந்த எந்த மண்டிகளில் எவ்வுளவு விலை தருவார்கள் என்று  தகுந்த இடைவெளியில் அல்லது அவர்கள் விரும்பும் பொழுது, குறுஞ்செய்தி(SMS) மூலம் தெரிவிப்பார்கள். தற்பொழுது இந்த திட்டம் இலவசமாக செயல்படுத்தப்படுகிறது. இந்த திட்டதில் சேர்த்தின் மூலம் விவசாயிகளுக்கு அவர்களின் பொருட்களுக்கு அதிகபட்ச விலை கொடுக்கும் மண்டியை பற்றி தெரியவரும். இந்த திட்டத்தில் சேர்ந்ததன் மூலம் சுமார் 30% வரை அதிக விலை கிடைத்ததாக பல்வேறு விவசாயிகள் கூறி இருக்கின்றனர். இலவச சேவையாக செயல்பட்டு வரும் இந்த சேவைக்கு மாதம் 60 ரூபாய் வரை செலுத்த விவசாயிகள் தயாராக உள்ளனர். இந்த சேவையில் விலை பொருட்களுக்கான விலை மட்டுமில்லாமல், விவசாயம் பற்றிய செய்திகள்,வானிலை அறிவுப்புகள் முதலானவையும் குறுஞ்செய்தி மூலம் தெரிவிக்கப்படுகிறதாம்.

தற்பொழுது இத்திட்டத்தின் மூலம் மகாராஷ்டிராவில் உள்ள  25 மண்டிகளின் விலை நிலவரம் விவசாயிகளுக்கு தெரிவிக்கப்படுகிறதாம், சுமார் 4000 விவசாயிகள் வரை இந்த சேவையை பயன்படுத்துகிறார்களாம்.எனக்கு இந்த திட்டம் மிகவும் அருமையான திட்டமாக தெரிகிறது. தமிழகத்திலும் இது போன்ற திட்டம் அமல்படுத்தப்பட்டால் அது விவசாயிகளுக்கு மிகப்பெரிய நன்மையாக இருக்கும். ஏர்டெல். வோடாபோன் போன்ற நிறுவனங்கள் இதை செயல்படுத்த முயற்சிக்கலாம், அது இருவருக்கும் பெரிய லாபமாக இருக்கும்.

171. FireFox IE போல வேலை செய்ய வேண்டுமா

மார்ச் 19, 2007

நிறைய பேரின் வலைபதிவுகள் FireFoxஇல் தெளிவாக தெரிவதில்லை, அதற்கு காரணம் அது பதிவை Render செய்யும் முறை IE(Internet Explorer) போல் இல்லாமல் வேறு படுவதால் தான். நிறைய பேர் இதனால் இன்னும் IEஜ வைத்து அழுது கொண்டு இருக்கின்றனர். அதற்கும் ஒரு வழி வந்து விட்டது. Firefoxஇல் இந்த Pluginஜ Install செய்தால் அதுவும் IE போன்றே வேலை செய்யும். இதில் ஒரு சில சின்ன சின்ன பிரச்சனைகள் இருந்தாலும் நான் உபயோகித்த வரை மிகவும் நன்றாக இருக்கிறது. Plug-inஜ download செய்ய இங்கே அழுத்தவும்.